SRH vs KXIP, IPL 2020: डेविड वॉर्नर-जॉनी बेअरस्टोने केली चौकार-षटकारांची बरसात, SRHचे किंग्स इलेव्हन समोर 202 धावांचे आव्हान
आयपीएलच्या 22व्या सामन्यात टॉस जिंकून पहिले फलंदाजी करत कर्णधार डेविड वॉर्नर आणि जॉनी बेअरस्टो यांच्या शतकी भागीदारीच्या जोरावर सनरायझर्स हैदराबादने किंग्स इलेव्हन पंजाब समोर विजयासाठी 202 धावांचे मोठे आव्हान ठेवले. हैदराबादकडून वॉर्नर आणि बेअरस्टोमध्ये पाचव्यांदा 100हुन अधिक धावांची ओपनिंग पार्टनरशिप झाली.
SRH vs KXIP, IPL 2020: आयपीएलच्या 22व्या सामन्यात टॉस जिंकून पहिले फलंदाजी करत कर्णधार डेविड वॉर्नर आणि जॉनी बेअरस्टो यांच्या शतकी भागीदारीच्या जोरावर सनरायझर्स हैदराबादने किंग्स इलेव्हन पंजाब समोर विजयासाठी 202 धावांचे मोठे आव्हान ठेवले. हैदराबाद आणि पंजाबमधील आजचा सामना दुबई आंतरराष्ट्रीय क्रिकेट स्टेडियमवर खेळला जात आहे. हैदराबादकडून वॉर्नर आणि बेअरस्टोमध्ये पाचव्यांदा 100हुन अधिक धावांची ओपनिंग पार्टनरशिप झाली. बेअरस्टो आजच्या सामन्यात 97 धावा करून माघारी परतला. वॉर्नर 52 धावा करून बाद झाला. या दरम्यान वॉर्नरने 5 चौकार आणि 1 षटकार मारला. वॉर्नर आणि बेअरस्टोच्या सलामी जोडीने हैदराबादला दमदार सुरुवात करून दिली. पंजाबच्या रवी बिश्नोईने 3, अर्शदीप सिंहने 2 विकेट घेतल्या मोहम्मद शमीला 1 यश मिळाले. वॉर्नर आणि बेअरस्टोमध्ये पहिल्या विकेटसाठी 160 धावांची भागीदारी झाली. (IPL 2020 Mid-Season Transfer: आयपीएल 13मध्ये 'या' खेळाडूंचे होऊ शकते 'मिड सीजन ट्रांसफर', पाहा कोण-कोण आहे सामील)
हैदराबादच्या सलामी जोडीने सुरुवातीपासून पंजाबच्या गोलंदाजांवर वर्चस्व कायम ठेवले आणि फटकेबाजी करत किंग्स इलेव्हन गोलंदाजांची धुलाई केली. आजच्या सामन्यात बेअरस्टोने 37 चेंडूत पाच चौकार आणि एका षटकारासह अर्धशतक ठोकले. बेअरस्टो एका बाजूला सातत्याने मोठे शॉट्स खेळत होता तर वॉर्नरने त्याला उत्तम साथ दिली. वॉर्नर-बेअरस्टोची जोडी घातक ठरत असताना बिश्नोईने एकाच ओव्हरमध्ये हैदराबादच्या दोन्ही सलामी सलामी फलंदाजांना परतीचा रास्ता दाखवला. 16व्या ओव्हरच्या पहिल्या भारताचा चेंडूवर युवा गोलंदाज रवी बिश्नोईने वॉर्नरला ग्लेन मॅक्सवेलकडे कॅच आऊट करत दोंघांची भागीदारी मोडली. यानंतर ओव्हरच्या चौथ्या चेंडूवर बेअरस्टो देखील एलबीडब्ल्यू होत बाद झाला. पुढील ओव्हरच्या पहिल्याच चेंडूवर मनीष पांडे देखील 1 धाव करून परतला. अब्दुल समदने 8 धावा केल्या. प्रियम गर्ग शून्यावर बाद झाला. अभिषेक शर्माने 12 धावा केल्या. केन विल्यमसन 20 धावांवर नाबाद परतला.
आजच्या सामन्यात विजय मिळवून दोन्ही टीम विजयपथावर परतण्याचा प्रयत्न करतील. आजवर खेळलेल्या 5 सामन्यातील 4 मध्ये पंजाबचा पराभव झाला आहे, तर त्यांना फक्त एकच सामना जिंकता आला आहे. दुसरीकडे हैदराबादला 5 पैकी 2 सामन्यांमध्ये विजय मिळाला असून 3 सामन्यात त्यांच्या पदरी निराशा आली.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)